SuperDizionari

mai plui e mai altri loc.av.

In nissun altri moment tal futûr o dopo di un ciert tiermin temporâl (enf.)

sinonims

mai plui, mai altri, mai e mai altri, mai, plui, altri

esemplis

"o ai zurât di no fumâ mai plui e mai altri"

gjavât fûr di "In cîl e je une stele!..." di Arturo Feruglio

"a ridonavin, a vuicavin, a scriulavin tant che badasculis. E no le finivin mai plui e mai altri"

gjavât fûr di "Lis predicjis dal muini" di Josef Marchet

mai plui e mai altri loc.av.

In nissun câs, in nissune ipotesi

sinonims

mai plui, mai altri, mai e mai altri, mai

esemplis

"no mi sarès mai figurade une partence tâl: mai plui e mai altri o varès imagjinât la presince di paron Toni"

gjavât fûr di "Ricuarts e inlusions" di Enrico Martina

"o savevi ancje masse ben che la Filologjiche no varès mai plui e mai altri acetade chê soluzion"

gjavât fûr di "Memoriis di politiche linguistiche" di Adrian Cescje

mai plui e mai altri loc.av., loc.inter.

Ancje par esprimi che si refude dal dut une ipotesi o un fat

sinonims

mai plui, mai altri, mai e mai altri, mai, lafè no, ma lafè no

esemplis

"«Jo, aiutant di chel li che nol è nancje nassût dibot? Mai, mai plui e mai altri!»"

gjavât fûr di "Pre Pitin" di Antoni Beline

monolengâl